2012an kirol instalakuntzen kudeaketaren alorrean hasi zen Athlon; ia 14 urte igaro dira. Ordutik bidea egin dugu bi iturburu nagusietatik edanez: lana eta ilusioa.

Hasieran fakturatzen genituen 750.000€-etatik 6.500.000€-tara pasatu gara, eta zortzimilako hau konkistatzeko diseinatu genuen kordada arina, honezkero, espedizio astun bilakatu da.

Athlon Kudeaketaren hazkundea Athlon Elkarte Kooperatiboaren hazkundearen eskutik etorri da, ez dago bata bestea gabe ulertzerik, bestela ezinezko abentura litzateke gurea.

Alpinista talde gazte eta sendoa doa Athlon Kudeaketaren urratsen gainean, era berean, trebeak eta ausartak diren Athlon Kooperatiba Elkarteko sherpak beti daude gertu aldapa gogorrenetan soka finkoa botatzeko.

Metro asko igo ditugu urte guzti hauetan, oztopo ugari gainditu. 20 kiroldegi kudeatzen ditugu gaur egun eta nahiko genuke metroak irabazten jarraitzea. Indartsu sentitzen gara; kranpoiak erraz sartzen dira izotzetan eta motxilaren zama eramangarriagoa da.

Athlon Kooperatiba Elkartearekin lehen zortzimilakoa igo genuen; espedizio buruak botak zintzilikatu zituen. Bigarren zortzimilakoa garaitzeko etxejaun berriak ditugu, estilo berria, azken belaunaldiko materiala.

Azken urteotan, bidea ekipatu dugu, 4. kanpalekura hainbat aldiz igo gara, aklimatazioa txukun doa. Hala ere, mendiak errespetua merezi du eta zuhurtzia bidaide ona izan ohi da. Haren txistuari adi gaudela, oinarrizko kanpalekura bueltatzea erabaki dugu. Bidezidorra ondo aztertu behar dugu, indarrak neurtu, arnasa hartu, ideiak berritu.

Apiriletik uztailera bitartean hausnarketa estrategikoa egingo dugu Athlon Kudeaketaren baitan. Enpresagintzak gidatuta saio ezberdinak programatu ditugu etorkizuneko negozioa definitzeko.

Hausnarketa estrategikoarekin batera, hitzaldi sorta bat antolatuko dugu. Lehenengoa apirilaren 29an izango da 10:00etatik 12:00 Yeti Iriberriren eskutik, barkatu, Jon Iriberri esan nahi nuen: Gestion de personas, Sandbox de herramientas conceptuales, procedimentales y actitudinales para afrontar una tarea compleja.

Laino artean gailurra ageri da, eta batek daki, handik jaitsi aurretik mendilerroa osatzen duten beste tontor zorrotzak zapaltzera animatuko da taldeko eskalatzaileren bat.

Animatuko zara espedizioan parte hartzera? Apirilaren 29an Katmanduko Budisten tenplu Nagusian elkartuko gara, Loramendi 4 helbidean.

________________________

Iker Etxeberria Atxa

LKS, ATHLON, CODESYNTAX, KREAN, ONDOAN eta SMART STRATEGY FOR COMMUNICATION enpresek osatutako partzuergoa ADAGIO proiektua garatzen ari da VICOMTECH Zentroaren laguntzarekin. Ekimen horren helburua da Adimen Artifizial Sortzailean eta hizkuntza sortzaileen ereduetan (LLM) oinarritutako testua automatikoki sortzeko sistema ikertu eta garatzea.

ADAGIOk industriaren erabilera espezifikoetara egokitu daitekeen sistema bat aztertzea eta garatzea du helburu, hizkuntza-ereduak domeinu eta erabilera espezifikoetara egokituz. Zehazki, lau erabilera-kasu nagusi biltzen ditu, «guztiak partzuergoko enpresen beharretan oinarrituta», zehaztu dute. Lehenengoan, dauden zehaztapen teknikoetan eta aurretiazko dokumentazioan oinarritutako memoria eta eskaintza industrialak sortzea lantzen da. Bigarrenik, lehendik dagoen dokumentaziotik abiatuta eduki berriak sortzea. Eta hirugarrenak eta laugarrenak marketinaren arloa eta osasunarekin eta jarduera fisikoarekin lotutako ikastaroak hartzen dituzte.

ADAGIO proiektuak HAZITEK programaren finantzaketa jaso du, Eusko Jaurlaritzako Industria, Trantsizio Energetiko eta Jasangarritasun Sailarena, bai eta Europar Batasunarena ere (EGEF).

Athlon Koop. E.ak, Arrasaten kokatutako kooperatibak, jarduera fisikoa eta bizimodu osasuntsuak sustatzea du helburu. Bide honetan Vicomtech berrikuntza eta teknologia zentro adituarekin elkarlanean NagusIA proiektua garatu du.

NagusIA proiektua, egoitzetan dauden persona nagusiei bideo bidez jarduera fisikoa egiten laguntzera eta honen jarraipena egitera bideratuta dago.

Proiektu honek HAZITEK programaren finantzaketa jaso du, Eusko Jaurlaritzako Industria, Trantsizio Energetiko eta Jasangarritasun Sailarena, bai eta Europar Batasunarena ere (EGEF).

Athlon Koop E., Eroski eta STT euskal enpresak eta Vicomtech zentro teknologikoa ERNE-3D proiektuan garatzen ari dira. Ekimen honen helburua da lan arrikusku ergonomikoak idenfikatzen laguntzen duen bideo bidezko tresna ikertu eta garatzea.

ERNE-3Dk enpresek lan arriskuak detektatzeko tresna arina eta erabilerraza ikertzea eta garatzea da helburua. Horretarako enpresa adituez osatutako taldea sortu da, enpresaren beharrak eta teknologiak eman dezakeen erantzuna lerrokatzeko eta aztertzeko.

Sortutako tresna, enpresetako lan arrisku prebentzionistak laguntzeko sortuko da.

Proiektu honek HAZITEK programaren finantzaketa jaso du, Eusko Jaurlaritzako Industria, Trantsizio Energetiko eta Jasangarritasun Sailarena, baita Europar Batasunarena ere (EGEF).

Erne-3D proiektuko partaideek Eroskiko instalakuntzak bisitatu dituzte proiektuaren garapenerako.

Athlon Koop. E., Deusto Seidor eta Lanit euskal enpresak eta Vicomtech zentro teknologikoa CARDIA proiektua garatzen ari dira. Ekimen honen helburua da esfortsu-probak egiten dituzten medikuei bihotz arazoak hautematen lagunduko dien tresna ikertu eta garatzea.

CARDIA proiektuak Adimen Artifiziala erabiliaz, laguntza tresna bat ikertu eta garatzea du helburu, esfortzu-probak egiten dituzten medikuei beraien lanean lagunduko diena.

Proiektu honek HAZITEK programaren finantzaketa jaso du, Eusko Jaurlaritzako Industria, Trantsizio Energetiko eta Jasangarritasun Sailarena, baita Europar Batasunarena ere (EGEF).

Consejos vendo, pero para mí no tengo. Zenbat aldiz entzun dugu esaera zahar hau? Askotan. Eta zenbat aldiz eman ditugu aholku horiek, a priori, aplikatzeko errazak direnak? Askotan, baita ere.

Horregatik, esaera zahar honekin hasi nahiko nuke. Ez naizelako inor aholkuak emateko.

Azken hilabeteetan asko entzun dugun kontzeptu bati buruz hitz egin nahiko nuke, hau da, bakoitzaren foku emozional ospetsuari buruz, eta nola hori hain garrantzitsua den gure niarentzat eta mugitzeko dugun moduarentzat (ez fisikoki bakarrik).

Eta, zer da foku emozionala? Gure arreta edo energia kontzienteki zuzentzea da. Hemen, ”kontziente” hitzean gelditu nahiko nuke; izan ere, arreta osoko teknika guztiak, mindfullnesak edo arreta kontzientea ere oso kontzeptu entzunak dira osasun mentala gehiago inportatzen hasi denetik.

Kontzientzia da garrantzitsuena; izan ere, gure arreta modu horretan fokalizatzeko gai bagara, azkarrago etortzen da erlatibizazioa. Pufff Itziar, ze filosofikoa jarri zean… Bai, hala da. Baina benetan gure erantzukizuna denaren kontzientzia horrekin, gure onerako balio diguten pentsamenduak aukeratzeko gai izango gara.

Eta hau guztia zertarako? Geroz eta gehiago entzuten da dimentsioak garela; dimentsio fisikoa, emozionala, mentala eta espirituala. Psikologo on batek gure lankide bati eta niri oso ondo definitu zigun gai hau; hau da, dimentsio hauetako batek huts egiten badu, besteek huts egingo dute. Badakigu antsietate-atake batek miokardioko infartu baten antzeko sintomak eragin ditzakeela edo depresioak giharretako mina duzula sinestarazten diezazukeela.

Emozioi dagokionez, inbiriak edo beldurrak, gure jokabidean ikaragarrizko eragina du eta askotan ez gara gai ikusteko emozio horretatik mugitzen garela. Hauek fisikoki ondoeza sortzen dute ere.

Okerrena da uste dugula hori guztia barneratuta daukagula, eta emozioei buruzko ia ikertzaile psikologiko guztiek diote gure jokabideen %90 emoziotik hartutakoak direla. Baina portaera egin aurretik emozio negatiboak erlatibizatzeko gai al gara?

Horregatik, kontzientzia garrantzitsua da, gure pentsamenduak eta gure jokabidea ondo aukeratu ahal izateko. Eta konnotazio negatiboa duten pentsamendu horiek garunean hainbeste sar ez daitezen.

Nire psikologoak trikimailu txiki bat eman zidan, aplikatzen saiatzen naizena: ondoeza sortzen dizun pentsamendu hori iristen denean, ozen esan GELDI eta arnasa hartu; ostean jokatu.

Badakizue, consejos vendo…

___________________________________

Itziar Bueno Arrizabalaga

Blog honetan behin baino gehiagotan hitz egin da gure ikasgaiaren (Gorputz Hezkuntza, Heziketa Fiskoa….) onuren inguruan: pertsonaren garapen integral eta harmonikoa alderdi gorpuztu, intelektual, afektibo eta sozialetan, sedentarismoari aurre egin , gorputzak osasuntsu mantendu,   koordinazioa, joko jolasen barne dinamikak ulertu, , talde lana, gaixotasunak ekiditu, ohiturak hartu, errespetua,  estrategia…  Zerrenda amaigabea eta benetan aberatsa  izan daiteke astean bi ordu edo ordu eta erdiko saioak dituen 2.mailako ikasgai batentzat.

Baina gaur gure ikasgaiak eskaintzen dituen integratzeko aukerei  buruz hitz egingo dut.

Ikastetxeak momentu honetan integrazioa eta inklusibitatearen laborategi dira. Alde batetik, neuroaniztasunaren gorakadak (TADH, dislexia, diskalkulia edo gaitasun handiak) irakaskuntza pertsonalizatuagoa eta dinamikoagoa eskatzen digu. Aditu askok diote adimen artifiziala honi erantzun egoki bat emateko iritsi dela  baina oraingoz ez dugu aurrerapauso handirik eman.

Bestetik, errealitate soziolinguistikoak erronka handia dakar: gero eta ikasle gehiago datoz gure ikastetxeetara euskara  menderatzen ez dutenak, eta horrek euskararen egoera are larritzen du.  Are larriagoa bihurtzen da egoera, euskara menderatzen ez duen ikasle horrek gaztelera ondo menderatzen badu. Askotan berak ulertu dezan eta guk gaztelera badakigunez, gazteleraz egiten diogulako eta euskarazko azalpen gutxi entzuten ditu.

Euskara ez jakiteak askotan euskal kulturara gerturatzeko oztopo izaten da eta hemen dator gure ikasgaiaren indarra. Gorputzaren mugimendua, keinuak eta jolasaren arauak hizkuntza internazionalak dira. Ikasle berri batek ezin badu azalpen teoriko bat ulertu, taldeko jolas baten dinamika «irakurri» dezake kideei begira.  Ez du ahozko hizkuntza baten beharrik esperientzia positiboak bizitzeko. Irakasleok erronka handia daukagu, guk prestatzen ditugun saioak , kurrikulumeko helburuak betez, ahalik eta erakargarrienak prestatzen. Bizipenetatik irakurtzen baino gehiago ikasten dela adierazten de Edgar Dale-ren piramidean,  eta gure ikasgaiak zerbait badu bizipenak dira.

Ez dugu ahaztu behar inklusio honetan  hezkuntza ez formalak daukan indarra.  Hezkuntza ez formaleko ekintzak gozamenetik egiten diren jarduerak dira eta berezitasun honetatik tiraka, inklusiorako baliabide garrantzitsu bihurtzen dira.  Azken urtean Gipuzkoako Eskola Kirolak jasotako sententziak inklusioaren inguruko hausnarketa bat ere beharko luke baina norberaren zilborrera begiratzeak zaildu egiten du. Eskerrak asteazkenean Bilbon argi printza indartsu batzuk agertu ziren!

Euskara ez dakien ikasle batek euskaraz hitz egiten duten talde batekin bizipen positiboak izanez gero, konfiantza eremu bat bezala ikusi du euskara eta euskal kultura.

Beraz, gizarte bezala daukagun erronka honetan aprobetxatu dezagun gure ikasgaia euskaraz ez dakiten ikasleak euskal lagun taldeak egiteko eta euskal herri euskaldun batean integratzeko.

___________________________________________

Kepa Isasmendi Gabilondo

Las empresas llevan más de tres décadas confiando en Athlon S. Coop para cuidar la salud de sus trabajadores y trabajadoras. Ya en 1990 comenzamos a desarrollar Programas de Salud orientados a la prevención y el cuidado de la salud musculoesquelética en el entorno laboral.

En 2011 dimos un paso más con la implantación de las miniCLINIC Athlon, espacios ubicados dentro de las empresas y basados en dispositivos y metodología David Health Solutions, innovadora, originaria de Finlandia y centrada en el ejercicio terapéutico personalizado.

Miles de trabajadores de empresas como Copreci, CAF, Eika, Eroski, Erreka,Fagor, Goizper, Laboral Kutxa, Mercedes, Orkli y Renault han disfrutado de los beneficios de esta metodología, mejorando su salud musculoesquelética y, en especial, la de su espalda.

Los resultados obtenidos avalan su eficacia:

• Fortalecimiento de la musculatura de la espalda, con un incremento de fuerza del 35 %.
• Mejora de la movilidad, con un aumento del 10 %.
• Reducción del dolor de espalda, que disminuye en un 46 % como consecuencia de la mejora de fuerza y movilidad.

La metodología David nos permite medir objetivamente las mejoras alcanzadas, lo que nos da la certeza de que contribuye de forma significativa a mejorar la salud física de las personas.

Desde que iniciamos estos programas, las empresas y la sociedad han cambiado. La responsabilidad individual sobre la salud ha evolucionado y, tras la pandemia mundial que nos aisló socialmente, tomamos aún más conciencia de su importancia. Entendimos que la salud física es fundamental, pero que también lo son el bienestar mental y social.

Con esta visión integral de la salud surge una pregunta clave:
¿Nuestros programas contribuyen también a mejorar el bienestar mental?

Y, antes de responder, conviene aclarar: ¿qué entendemos por bienestar mental?

Hablamos de un estado de equilibrio emocional, psicológico y social que nos permite afrontar el estrés, desarrollar nuestras capacidades, trabajar de forma productiva y contribuir positivamente a la comunidad.

Los expertos señalan diversos factores que ayudan a mantener una buena salud mental, entre ellos:

• Conexiones sociales sólidas.
• Pensamiento positivo.
• Desarrollo de habilidades de afrontamiento.
• Uso de recursos basados en la respiración y la atención al momento presente.
• Aprovechar los beneficios de la pausa y el descanso.
• Hábitos de vida saludables, haciendo mucho hincapié en la práctica de actividad física

En definitiva, todo aquello que contribuye en nuestro cuerpo a la producción de “hormonas de la felicidad “como la serotonina, dopamina, oxitocina y endorfinas.

¿Y qué encuentran los trabajadores cuando acuden a las miniCLINIC en sus empresas?

Un espacio donde realizan ejercicio terapéutico basado en la metodología David, supervisado por un profesional que les escucha y les atiende de forma personalizada y les orienta sobre hábitos de vida saludables. Todo ello en un entorno que favorece una pausa consciente dentro de la jornada laboral, tan necesaria para reducir la carga mental.

Las personas que acuden al programa fortalecen la musculatura, mejoran la movilidad, aprenden a estirar, a respirar, y a relajarse. Acuden motivadas, se sienten mejor y valoran muy positivamente la atención personalizada recibida.

Por todo ello, puedo decir que la respuesta es: sí, la metodología David Health Solutions (DHS), aplicada por buenos profesionales, contribuye a alcanzar ese “estado de completo bienestar físico, mental y social”.

Con nuestros programas vamos por buen camino. Sigamos cuidando la salud de las personas en las empresas. Sigamos cuidando de la salud musculoesquelética, siendo conscientes de la aportación que también realizamos al bienestar mental y sin olvidar de cuidar nuestra propia salud de manera integral.

______________________________________

Edurne Jimenez Cortazar

Azken urteotan, osasunarekin eta ongizatearekin lotutako interesa nabarmen handitu da gizartean, hala ere, sedentarismoa, oraindik erronka handia da osasuna eta mugimenduaren promozioan lan egiten dugunontzat. Testuinguru honetan, jarduera fisikoaren orientazio zerbitzuek gero eta garrantzi handiagoa hartu dute, herritarrei informazioa, orientazioa eta laguntza eskaintzen dizkieten baliabide gisa, jarduera fisikoa modu errealista eta egokian herritarren egunerokoan txertatzeko.

Zerbitzu hauek behar guztientzat irekitako espazioak dira, eta bertan informazio fidagarria eta pertsonalizatua eskaintzen da. Ez da soilik ariketa fisikoa gomendatzea helburu, baizik eta ohitura aktibo eta osasungarriak garatzen laguntzea, pertsona bakoitzaren egoera, interesak eta aukerak kontuan hartuta. Jarduera fisikoaren orientazio zerbitzuak, gainera, erreferentziazko gune bihurtzen dira jarduera fisikoari buruzko zalantzak dituzten pertsonentzat. Hasierako balorazio baten bidez, erabiltzailearen egoera fisikoa eta beharrak aztertzen dira, eta horren arabera gomendio zehatzak ematen dira. Prozesu honek segurtasuna ematen dio erabiltzaileari, lesio arriskua murrizten du eta jarduera fisikoa alde batera uztea saihesten laguntzen du.

Athlonek, jarduera fisikoaren orientazio zerbitzuen garapenean egindako lana azpimarratzekoa dela uste dut. Ibilbide luzea dugu orientazio zerbitzuak martxan jarri ziren egunetik gaurkora, zerbitzu ezberdinak eskaini dittugu eta hauek guztietatik ikasten joan garela nabarmena da. Athloneko “JFOZ”etan, ikuspegi hurbila eta komunitarioa dugu oinarri, herritarren zaintzan ari garen momentutik, gertutasuna, enpatia eta profesionaltasunarekin ekiten diogu helburua lortuko dugunaren ilusioz. Esperientzia guzti honek gure nortasuna eraikitzen lagundu digu, baita, orientazio zerbitzuen eredu propioa izatera eraman. MobiDurango orientazio zerbitzuan, DAVID metodologia inplementatu izana dugu honen eredu nabarmena. 2025. urtean 3.000 hitzordutik gorako asistentzia izanak, erreferentziazko zerbitzu bat bilakatzen du, emaitzetan eta erabiltzailearen gogobetetasunean arrakasta izanik.

Guzti honek erreferente bihurtzen gaitu osasuna eta jarduera fisikoaren promozioan, eta otsaileko lehen astean martxan jarriko diren 3 orientazio zerbitzuak, esfortzu honen fruitu dira. Gipuzkoan eta Bizkaian gure hazia ereiten jarraitzen dugu, zehazki, Gatzagan, Etxebarrian eta Zumaian.

Zumaiako orientazio zerbitzua “ABANTE” izenarekin ezagutuko dugu, “Itsasontzietan aurrera egiteari edo abiatzeari esaten diogu Zumaian” eta Leire Juanbeltz izango dugu zerbitzu honetako “patroi”. Leirek Atxabaltamugiko zerbitzuan eman zituen lehen pausuak orientazioan eta lan paregabea egin du bai Atxabaltan eta baita Oreretako “JFOZ”an ere. 8 orduko zerbitzu bat izanik, irrikaz itxarongo dittugu Abante Zumaiako proiektuen berriak.

Beste alde batetik, Etxebarriako EKIN! ETXEBARRI Zerbitzuari ekingo diogu, Eñaut Gorosabelen gidaritzapean. Herri txiki honen erreferente da Eñaut, bere kabuz herriko jarduera fisikoaren promozioan lanean ibili zen, saio gidatuak eta entrenamenduak dinamizatuz. Gaurkoan orientatzaile izanda, herritar guztiek estimu handian dute bera, eta ziur nago lan paregabea egingo dutela. 6 orduz arituko da Etxeberriako bazterrak nahasten.

Azkenik, GatzaGarra “GG” Zerbitzua abiatuko da, gatzaren nortasunetik abiatuz eta herritarron garra aintzat hartuta, izenak, berak bakarrik agertzen du bere esanahia. Oraingoan, Iñigo Agirre batzen da gure lan taldera, jarduera fisiko eta osasun programetan aditua. Bi astez ibili da Athloneko metodologia ezagutzen eta iada lehen pausuak ematen hasiko da Gatzagan, ilusio handiz. 4 orduz arituko da, banakako aholkuilaritzan eta bertako fitnes gela dinamizatuz.

Orientatzaile Athlondarrok, argi dugu jarduera fisikoaren orientazioa ez dela helmuga bat, baizik eta etengabeko prozesu bat. Ikasitako guztiarekin eta lortutako esperientziarekin, ilusioz eta arduraz jarraitzen dugu hazten, hobetzen eta herritarren beharretara egokitzen. Gure konpromisoa argia da: gertutasunetik, profesionaltasunetik eta komunitatetik lanean jarraitzea, jarduera fisikoa pertsona guztien egunerokoaren parte izan dadin.

Etorkizunari begira, indar berarekin eta ilusioz, bidea egiten jarraitzeko prest gaude.

_________________________________________________

Pello Uriarte – Jarduera Fisikoaren Orientatzailea