La infancia es una etapa clave en el desarrollo emocional y físico de los niños. Entre los 6 y los 12 años, los participantes comienzan a adquirir habilidades sociales y motoras, que son fundamentales para su bienestar. El deporte iniciación, entendido como la práctica deportiva en etapas tempranas, juega un papel crucial en el desarrollo integral de los deportistas, no solo en el ámbito físico, sino también en el emocional, siendo la gestión de las emociones un aspecto determinante para su rendimiento, aprendizaje y disfrute del deporte.

El deporte entre los 6 y 12 años no solo tiene una función recreativa o de desarrollo físico. A través del deporte, los participantes pueden aprender a manejar emociones como la frustración, el miedo, la alegría y el compañerismo… y a ello debemos añadirle  que  la práctica deportiva fomenta el desarrollo de valores como la disciplina, la superación personal, el respeto por los demás y el trabajo en equipo.

Durante los primeros años de vida, los niños están en pleno proceso de maduración emocional. Las emociones que experimentan durante la práctica deportiva pueden ser intensas, ya que para muchos es la primera vez que se enfrentan a situaciones de competencia o a la necesidad de seguir reglas y de asumir roles dentro de un equipo. Estas vivencias son muy valiosas para aprender a gestionar sus emociones.

Al participar en actividades deportivas, las chicas y chicos  de esta franja de edad suelen experimentar una amplia gama de emociones. Algunas de las más comunes son:

1. Alegría: Surge cuando logran éxitos personales o grupales, como marcar un gol, completar una carrera o ganar un partido. Esta emoción refuerza la autoestima y genera motivación para seguir participando.
2. Frustración: Aparece cuando las cosas no salen como esperaban, ya sea por errores propios o por perder un juego. Es una emoción clave  en el aprendizaje de la capacidad de superación.
3. Ansiedad: Algunos participantes pueden experimentar nervios antes o durante los partidos. Esta emoción puede estar relacionada con el miedo al fracaso o al juicio de los demás, y es importante trabajarla para evitar bloqueos.
4. Enfado: El enfado puede surgir ante situaciones de injusticia percibida, un mal rendimiento propio o disputas con otros compañeros, sentir la injusticia de las decisiones arbitrales.  Siendo fundamental ayudar a los chicos y chicas  a canalizar esta emoción de forma adecuada.
5. Tristeza: La tristeza suele aparecer tras una derrota o cuando el niño se siente excluido o no valorado dentro del equipo. Es importantísimo aprender a manejar esta emoción, ya que de lo contrario entraría en conflicto con el bienestar emocional y disfrute de la práctica derportiva.

La labor de los entrenadores, educadores y familias es fundamental para ayudar a los pequeños deportistas a gestionar sus emociones de manera adecuada.

Por un lado es clave crear un entorno de apoyo emocional, es decir, conseguir un ambiente en el que los deportistas practican deporte de forma segura, de leyes y actuaciones tales como ley LOPIVI, donde los entrenadores y educadores deben fomentar la comunicación abierta, animar a los niños a expresar sus emociones y asegurarse de que se sientan escuchados. El enfoque no debe estar únicamente en el rendimiento, sino en el proceso y el disfrute del deporte.

Pero para poder gestionarlas es fundamental que el propio deportista sea  capaz de reconocer y nombrar las emociones que sienten en cada momento. En este caso técnicas como “respiración profunda”, “contar hasta diez” y “repetir en la mente afirmaciones positivas”  pueden ayudarles a calmarse en un momento de máximo estrés o frustración.

Durante la ya pasada época de pandemia se puso de moda la palabra “RESILIENCIA”, la capacidad de recuperarse rápidamente de las adversidades. Si la llevamos al contexto deportivo, es esencial enseñar a los niños a ver las derrotas o errores como oportunidades de aprendizaje. Es importante que entiendan que no siempre se puede ganar, y que lo importante es el esfuerzo y la actitud que mantienen ante las dificultades.

De la misma manera es importante establecer metas realistas y alcanzables que ayuden a los niños y niñas a fijarse metas adecuadas a su nivel de desarrollo puede evitar la frustración y la ansiedad. Las metas deben ser específicas, sencillas de cumplir y basadas en el progreso personal, en lugar de compararse constantemente con los demás.

Es cierto que la práctica deportiva puede ofrecer  varios aspectos positivos, pero una de los más valorados es la  del trabajo en equipo y la sensación de pertenencia a un grupo, y es que las emociones como la frustración o la tristeza pueden disminuirse si se gestionan  entre todos los miembros del equipo. Fomentar el compañerismo y la empatía hacia los compañeros es crucial para que los niños, niñas y adolescentes se sientan respaldados en todo momento.

Y por ultimo tenemos que tener en cuenta que tanto los entrenadores, como los padres son modelos a seguir. La forma en que ellos gestionan sus propias emociones, especialmente durante los momentos de presión, influye en cómo los niños manejan las suyas. Es importante que los adultos mantengan la calma y sean un ejemplo de manejo emocional adecuado en situaciones de victoria o derrota.

Como familias o educadores, hay que poner el foco en fomentar disfrute del deporte, por encima de los resultados. Escuchar a los chicos y chicas cuando expresen sus emociones, valorando el esfuerzo, sin enfocarse en ganar, perder o el propio resultado, ayudando al deportista a reflexionar sobre lo aprendido durante la práctica deportiva. Todo ello hará que el niño tenga un desarrollo emocional equilibrado, lo que no solo beneficiará su rendimiento deportivo, sino también su desarrollo personal.

___________________________________________

Iñaki del Río

Zoru pelbikoa denon ahotan dago. Ta bazen garaia tabuak albo batera utzi eta gaiak merezi duen bezala tratatzeko. Emakume zein gizon, denok sufritu ditzakegu zoru pelbikoak, beste edozein muskuluk bezala, ekar ditzaken gaitzak.

Zoru pelbikoa muskulu ugariz, bai borondatezkoak bai ez-borondatezkoak, eta ehun konektibo sare handi batez osatuta dago. Guzti honen funtzio nagusiak pelbiseko organoen euskarri izatea eta sabelaldeko presioen kudeaketa dira (adibidez, eztul edo salto egitean).

Baina, orduan, salto egiteak zoru pelbikoa kaltetzen du?

Bai eta ez. Salto egitean, sabelaldeko presioa handitu egiten da, eta horrek zoru pelbikoak tentsio handiagoa jasan behar izatea dakar. Baina zoru pelbikoko muskuluak landuta edo tonu egoki batekin izan ezkero, salto edo korrika egiteak ez luke arazorik ekarri behar.

Aldiz, muskuluek tonu egoki bat ez badute, orduan bai arazoak etor daitezke. Ahuleziaren ondorioz agertzen diren arazorik ohikoenak inkontinentzia eta prolapsoak dira. Prolapsoak organo pelbikoen jaitsiera bat dira, hau da, zoru pelbikoak ez du behar bezala eusten eta organoak (uteroa izaten da afektatuena), grabitatearen ondorioz, bere posizio anatomikoa baino beherago azaltzen dira. Lehenengo gradu batean fisioterapiak lagundu dezake, baina lesioa aurreratuago dagoenean, kirurgia izaten da aukera bakarra organoa bere lekuan eutsi eta mantentzeko.

Beste alde batetik, inkontinentzia mota bi ezagutzen dira:

• Esfortzukoa: hitzak esaten duen moduan, esfortzu bat egitean gernua galtzea da. Adibidez, salto, eztul edo doministiku egitean.
• Premiazkoa: komunera joateko gogoa bapatean sentitu eta aguantatu ezin dela sentitzea da. Adibidez, igogailuan goazela. Askotan, botatako gernu kantitatea ez dator bat txiza egiteko sentitzen den gogoarekin.

Normalean gernu-inkontinentziari buruz hitz egiten dogu, baina inkontinentzia fekala ere izan daiteke.

Honen aurrean, fisioterapia eta ariketa fisiko espezifikoa izaten dira aukera bikaina.

Zoru pelbikoa lantzeko ariketak

Ezagunenak hipopresiboak eta Kegel ariketak dira.

• Hipopresiboak: barne muskuluak, bai pelbiko bai abdominalak, lantzeko ariketa espezifikoak dira. Apnean egiten dira, postura berezi batzuk mantenduz (elongazioan, sabelaldea barrurantz eta gorantz sartuz).

• Kegel ariketak: zoru pelbikoko muskuluak era boluntarioan uzkurtzean datza (gernuak eta gasek ihes ez egiteko egiten dugun bezala).
• Beste batzuk: 5P metodoa, TAD metodoa… Metodo hauek zoru pelbikoa postura eta arnasketa berezi batzuk erabiliz lantzen dute.

Zoru pelbikoa zaintzeko gomendioak

• Postura egokia mantentzea. Luzatuta ibiltzen garenean, gorputz barneko presioak askoz hobeto kudeatzen dira.
• Muskulatura lantzea: abdominalak, gluteoak, lunbarrak eta zoru pelbikoa.
• Elikadura egokia eta toxiko eza.
• Sintomen aurrean, mediku edo fisioterapeuta espezializatu batengana jotzea.

_____________________________________________

Olatz Fernández Zubizarreta

Fisioterapeuta

Pasa den urtean ezin izan bagenuen ere, aurten berriz heldu genion FIBO azokara joateko ohiturari Athlon Kudeaketako taldeak. Gizarte indartsu eta osasuntsuaren helburuarekin, osasunaren, fitnessaren eta ongizatearen inguruko industriako arduradun nagusiak biltzen dira Koloniako erakusketa-zentruan.

Urtero topatzen ditugu fitness munduko berrikuntzak bertan, eta aurten ere gure arreta bereganatu duten hainbat kontu ikusi genituen. Lehenik eta behin, azken urteetako tendentzia apurtuaz, entrenamendu funtzional eta pisu librearen ordez, berriz ere, makina gidatuek presentzia handia izan dutela ohartu ginen. Plaken bidez, gorputz bolumena lantzeko helburuarekin sorturiko makinak izan dira etxe askoren apustu; ondorioz, entrenamendu funtzionala eta norabide horretan lan egiteko materiala (pisu askea, kaiolak…) apenas zeudela ikusi genuen.

Makina gidatuetan gainera, pantailen garrantzia geroz eta handiagoa dala ikusi genuen. Tapizerian ere aldaketa nabaritu genuen: maskulitatearekin oso lotua egon daitekeen beltza alde batera utzi eta Tecnogym marka handiak beige koloreko tapizeriadun makinaria aurkeztu zuen. Tecnogym markaz gain, Lifefitnesseko Hammer markak ere nagusi izaten jarraitzen du erakus-zentroan: beraien atzetik kokatuko genituzke Precor eta Matrix. Azokan gainera, orain arte ezezaguna zitzaigun etxe berria ere ezagutu genuen: Milon. Etxe honek Egym enpresaren antzerako teknologia erabiltzen du entrenamenduetarako. Presentzia esanguratsua zuen ere Etenon enpresak. Jaengo (Espainia) enpresa hori bisitatzen egon ziren pasa den hilean gure taldeko Iñigo eta Ibon.

Esan bezala, makina gidatuei bideraturiko negozioen ondorioz, lan kardiobaskularra egiteko ekipamendu gutxi ikusi genuen, baita igerilekuetarako edota jarduera fisiko gidatutako materiala.

Azken bisitan ez bezala, yoga eta meditaziorako tendentzia ere alde batera geratu dela ikusi genuen. Materiala eta aukera egon arren, duela bi urte egindako bidaian “natura – osasun mental – egurra”ren inguruko material eta aukera askoz gehiago bistaratu genituen.

Azken finean, fitness munduak ekarriko duena hautemateko balio izan digu bidaiak, baina baita LLopeko kide ohiak agurtzeko ere.

______________________________

Alazne Agirrezabalaga

Kontsultan sarri ikusten diren patologiak izaten dira tendinopatiak, eta gehienetan hainbat galdera dakartzate beraiekin. Lehenetarikoa hauxe izaten da: “ Baina zer dira tendoiak? Ligamentuan berdinak dira? Nerbioak?”

Teknikoki, tendoia batik bat kolagenoz osatuta dagoen estruktura fibroso bat da, giharrak hezurrekin konektatzen dituena. Giharrak generatzen duen indarra hezurrera transmititzen du, mugimendua sortzeko. Hau da, giharraren hedapen bat dela esan daiteke, palanka funtzioa egiten duena.

Estruktura oso sendoak dira, baina gainkargarekin eta mugimendu errepikakorrekin hainbat lesio jasan ditzakete. Tendoiek sufritzen duten edozein kalte edo lesio tendinopatia bat da, baina horren barruan patologia ezberdinak daude.

Ohikoenak tendinitisa eta tendinosia dira. Osasungintzan, “-itis” atzizkiak hantura edo inflamazioa esan nahi du, beraz, tendinitisa tendoiaren inflamazioa da.

Bestalde, “-osis” atzizkiak endekapen edo degenerazioa esan nahi du, hau da, tendoien degenerazioa da tendinosia.

Baina nola ematen dira tendinopatiak? Eta zer egin daiteke hauek aurreikusi eta tratatzeko?

Tendinitisaren kasuan, orokorrean gehiegizko kargagatik ematen dira, normalean mugimendu eta karga bat sarritan errepikatzen denean. Gehiegizko mugimendu errepikakorrek, karga handiegiarekin lotuta, tendoiaren estruktura kaltetu dezakete ez baldin badugu zaintzen. Ondorioz, inflamazio bat ematen da, mina, sentsibilitatea eta indar falta eraginez.

Tendinitisetan, mina gauetan ere ageri daiteke.

Tendinosia, aldiz, ez da hain prozesu akutua, eta urte askotan zehar tendoiarengan eragindako karga errepikakorrek eragiten duten endekapena da. Kasu hauetan ez da inflamazioa ematen, edo ez horrenbestekoa behintzat, baina ehunean aldaketa eta alterazioak ematen dira denboran zehar. Tendinosietan, mina ez da hain akutua edo intentsoa izaten (hala ere, mina ematen dute), baina mugimenduetan limitazioa eta indar falta modu progresiboan agertzen dira, eta errekuperazio prozesuak motelagoak izaten dira. 

Bi kasuetan, lesioaren kausa multifaktoriala izan ohi da. Mugimendu errepikakorrak eta gainkargak izaten dira garrantzisuenak, baina kirolean teknika txarra, tendoien kalitate txarra bizi kalitate ez osasuntsu baten ondorioz, eta zahartze prozesuak berak eragiten dute.

Tratamentuari dagokionez, hasierako fase akutuetan, min gehien dagoen momentuetan, medikazio bitartez kontrolatu daiteke mina eta hantura, baina epe luzerako tratamentua fisioterapian eta batez ere ariketa terapeutiko progresio baten oinarritzen da. Tratamentu kirurgikoa azken aukera bezela erabiltzen da, normalean jadanik tendoiak apurtuta daudenean. 

Fisioterapeuta batek gidatutako ariketa plan egokiarekin, giharrak eta tendoiak osasuntsu eta indartsu mantenduko ditugu, honela mina murriztuz, endekapena motelduz eta gure funtzioa bermatuz. 

___________________________________________

Manu Álvarez Elola

Athlon Bizkar Kliniketako Fisioterapeuta

Zenbatetan geratu gara pentsatzen hezitzaile, guraso, monitore, irakasle zein gazteekin harremanetan gaudenok, zein den hauen ongizate optimoa lortzeko gakoa… Askotan bilatu ditugu metodologia berritzaileak, konfiantza zirkuluak eta hauen garapena ziurtatuko duten beste hainbat egoera… baina nola jakingo dugu ea gure lana ondo egiten ari garen?

Argi dagoena da kirola eta jarduera fisikoa gure bizitzaren zati garrantzitsu bat dala, eta nerabezaroan paper oraindik garrantzitsuagoa hartzen duela. Izan ere, aldaketa fisiko, emozional eta sozialen etapa honetan, kirola edo jarduera fisikoa praktikatzeak gazteen garapen integralean eragiten du, ohitura osasungarriak, diziplina eta talde lana eta jarraikortasuna bezalako baloreak sustatuz.

Ildo beretik jarraituz, gazte-garai honetan kirolak ez du soilik garapen fisikoan laguntzen, baita arlo mentalean ere eragin positibo asko ditu. Gaztaroan soinu ozenak dituzten gai ezberdinei (estres, antsietate, depresio, autoestimu, konfiantza…) aurre egiteko formula bikaina dela demostratuta dago. Are gehiago, gaitasun sozial ezberdinak erdiesteko ere balio duela garrantzitsua da aipatzea, hain zuzen ere, talde lanean jokatzen, arauak errespetatzen eta gatazken kudeaketa egoki eta efektibo bat barneratzen laguntzen du besteak beste, gazteen garapen pertsonal eta profesionalean eragin zuzena duena.

EMAKUMEAREN PAPERA JARDUERA FISIKOAN

Historikoki emakumeek kirolean izan duten parte-hartzea disparekotasun eta oztopo sozialengatik markatua izan da. Hala ere, denboraren poderioz, emakumeek beren gaitasuna eta talentua erakutsi dute hainbat kirol-diziplinatan, estereotipo horiek hautsiz eta mundu mailan lorpen handiak lortuz.

Aurrerapenak izan diren arren, oraindik badira zenbait erronka, hala nola ikusgarritasunaren eta baliabideetarako sarbidearen arteko ezberdintasuna. Funtsezkoa da kirolean genero-berdintasuna sustatzen jarraitzea, haur eta nerabeei aukera berdinak emanez edozein disziplinatan garatzeko, gizarteak ezarritako mugarik gabe.

Horretarako hainbat alderdi dira landu behar direnak emakumeak kirolean gehiago sartu eta hauen parte-hartzea sustatzeko;

• IKUSGARRITASUN EREDUAK; Emakume kirolari arrakastatsuei ikusgarritasun gehiago emateak kirol jardueretan parte hartzera bultza ditzake nerabeak.
• GENERO-ESTEREOTIPOAK EZABATZEA; Garrantzitsua da txikitatik heztea kirol-disziplina guztiak gizonek zein emakumeek egin ditzaketela.
• SARBIDE ZUZENA BERMATZEA; Beharrezkoa da instalazio, entrenatzaile eta baliabide egokiak eskaintzea, gazteek garapenerako aukera berdinak izan ditzaten.

Alderdi hauetaz aparte, badira beste hainbat arlo eraldatzeko daudenak eta horregatik kirolari askok ahotsa altxatu dute baldintza eta aukera berdintasuna eskatzeko. Hori horrela, emakumeen kirolaren etorkizuna geroz eta oparoagoa da, ekitatea sustatzeko politikak eta programa berriak ezarri dira, eta geroz eta erakunde gehiago ari dira neurriak hartzen helburu hauek betetzeko. Emakumeen liga profesionalen hazkundea, genero-berdintasunerako politiken ezarpena eta komunikabideen ikusgarritasuna areagotzea funtsezko urratsak dira aurrerapenarekin jarraitzeko.

Laburbilduz, kirola tresna indartsua da nerabezaroan garapen fisiko, emozional eta sozialerako. Emakumeak kirolaren esparruan parte har dezan bultzatzeak, bere ongizateari mesede egiteaz gain, gizarte bidezkoagoa eta inklusiboagoa eraikitzen ere laguntzen du. Gazteen artean kirola sustatzea, genero-bereizketarik gabe, gizarte gisa hartu behar dugun konpromisoa da, gutiontzako etorkizun osasungarriagoa eta bidezkoagoa bermatzeko.

____________________________________________________

Mikel Aizpurua Moreno

Jarduera fisikoaren eta kirolaren zientzietako gradua

Askotan hitz egindako gaia izan da ohituren ingurukoa, lagun, lankide zein pertsona ezberdinen arteko elkarrizketetan gai honek bere presentzia nabarmena izan du nire bizitzan. Herri ezberdinetako orientazio zerbitzuetan lanean ari naizenetik, ikuspuntu desberdinak ikusi eta gaia, hainbat kasu desberdinetan aplikatu eta sakontzeko aukera izan dut. Ez da lan erraza, ohiturak aldatu edo berriak bereganatzearena.

Badira bi urte lehen aldiz James Clear-en “Ohitura Atomikoak” (Hábitos Atómicos) liburuaren berri izan nuela. Hau irakurri eta laburtu ere egin nuen, (Aspalditik dudan ohitura da hau; interesgarriak jotzen ditudan liburuetatik puntu garrantzitsuak nabarmentzearena).

2025ean sartu garenetik, hainbat kasu eta kontextu desberdinetan aurkitu naiz liburu honen aipamen eta ezagutzarekin, hala, berriro esku artean hartu eta gainbegiratzearen lanari ekin diot.

Orientazio zerbitzuetan lan egiten dugunontzat interesgarria iruditzen bazait ere, edozeinentzat baliagarria izan daitekeela pentsatzen dut.

Gaurkoan, bertan aztertzen diren ideia nagusienak partekatu nahiko nuke zuekin.

Ohitura Atomikoak: Aldaketak gauzatzeko gakoa

Liburu honen muina, ohitura txikiek duten garrantzia da. Ohitura txikien konplexutasunari buruz hitz egiten du, non partikula txiki horiek beste sistema handiago baten parte diren, atomoak molekulen osagai diren bezala.

Bizitzako edozein arlotan egin ditzakegu aldaketak, gure bizi-kalitatea hobetzeko asmoz. Aldaketa erradikalak edota jauzi handiak bilatzearena ez da eskuartean duzun baliabideetatik etekin handiena aterako duzuna, aldiz, aldaketa txikiak eginez, pausoz pauso, denborarekin metatu egiten dira eta emaitza esanguratsuak ekartzen dituzte.

Liburuaren idazleak, giza portaeraren oinarrietan baliatuz, lau urratseko ziklo bat proposatzen du, non ziklo horren errepikapenak ohitura berrietan bilakatzen diren. Aipatutakoaren lorpenera iristeko, lau lege nagusi aipatzen dira.

1. Argi izan: Aldaketaren lehen urratsa, zer egin behar duzun argi izatea da. Diseinatu zure ingurunea, baliatu nahi den ohitura berria gauzatzea saihestezina izan dadin. Ohitura berria jada egiten duzun ohitura batekin lotu.

Adibidea : kafea hartzerakoan, eguneko helburuak idatziko ditut eguneko zereginak argi izateko.

Ohitura zaharra: Kafea hartu

Ohitura berria: Eguneko helburuak idatzi

2. Egin erakargarri: Ohiturak mantentzeko, motibazioa funtsezkoa da. Lotu ohitura bakoitza gozatzen duzun zerbaitekin eta inguratu zaitez helburu berdinak dituzten pertsonekin.

Adibidea: Gogokoen dudan musika entzungo dut ariketa fisikoa gauzatzen dudan bitartean.

a) Gozatzen dudana: gustuko dudan musika entzun

b) Ohitura berria : ariketa fisikoa

3. Egin erraza: Ez hasi handiegi, hastea bera da gakoa. Sinplifikatu prozesua eta aplikatu bi minutuko erregela: hasieran, huts egitea ia ezinezkoa den zerbait egin.

Adibidea: “Gehiago irakurri nahi dut”, esan beharrean, hasi “Egunean orri bat irakurriko dut» esanez. Zure nahiak orainaldira ekarri eta jarri dimentsio errealetan.

4. Gogobetegarri egin: Aurrerapauso bakoitza garaipen txiki gisa sentitu behar da. Ospatu lorpen txikiak eta mantendu jarraipen bisual eta sinple bat.

Adibidea: «Ohitura bat finkatzen dudan bakoitzean, markatxo bat egingo dut egutegian.»

Ohitura Txarrak Hautsi

Arauei buelta eman. Ohitura txarrak ezabatzeko, aurreko legeak alderantzikatu ditzakegu.

1.- Ikusezin bihurtu: Saihestu nahi duzun ohitura zure begi-bistatik kendu. Adibidea: Telefonoa gehiegi erabiltzen baduzu, jarri logelatik kanpo gauez edo desinstalatu denbora galdu arazten dizuten aplikazioak.

2.- Ez erakargarri bihurtu: Aldatu ohitura txarrarekiko duzun ikuspegia eta pentsaera.

Adibidea: Gozokiak jateari utzi nahi badiozu, irudikatu azukreak zure osasunean duen eragin negatiboa eta bilatu alternatiba osasuntsu eta atseginago bat, esaterako, fruituak; hauek zure gorputzean duten eragin positiboa irudikatuz.

3.- Zaildu: Errepikatzea zailago egin, inguruan oztopoak sortuz.

Adibidea: Sare sozialen erabilera murriztu nahi baduzu, jarri pasahitz konplexu bat edo aplikazio blokeatzaile bat erabili.

4.- Deseroso bihurtu: Sortu ohitura txar hori egiteak dituen ondorio negatiboak.

Adibidea: Telebista gehiegi ikustea saihestu nahi baduzu, gelan kontrolik gabe utzi edo kontsumitutako ordu bakoitzeko diru kopuru bat aurrezteko araua ezarri.

Oztopo txiki bat jartzeak aldea eragin dezake ohitura txar bat mantendu edo haustearen artean.

HELBURUEZ HARATAGO: ALDATU NOR ZAREN

Benetako aldaketa ez da helburu batera iristen zarenean gertatzen, zure nortasuna aldatzen duzunean baizik.

Nor zara zu egiten duzunarekiko?

EZ ESAN	ESAN
Bizitza osasuntsuagoa izan nahi dut	Pertsona osasuntsua naiz, eta nire gorputza zaintzen dut
Kirol gehiago egin nahi dut	Kirolaria naiz, eta nire gorputza mugitzeko diseinatuta nago
Gehiago idatzi nahi dut	Idazlea naiz, eta nire ideiak hitzetan islatzen ditut
Denbora hobeto kudeatu nahi dut	Antolatua naiz, eta nire denbora ondo planifikatzen dut.
Dirua aurreztu nahi dut	Arduratsua naiz nire diruarekin, eta modu kontzientean gastatzen dut.

Zure burua identitate berri batekin lotzen baduzu, ohitura berriak nortasunaren adierazpen bihurtzen dira, eta ez dira derrigorrezko eginbehar.

Sinesten dugun hortan bihurtzeko joera dugu, beraz, gure burua egiten dugunaren arabera definitu behar dugu.

Ez bilatu emaitza azkarrak; baizik eta garatu egunero haztera behartzen zaituzten sistemak. Imajinatu zure burua hemendik aldi batera, egin nahi duzun guztia erraz egiten.

Ohiturak autohobekuntzaren interes konposatua dira. Zure bizi osoaren osagai eta bizipenen elementu dira, eta emaitzak alde batera utziz, zure eguneroko errutinak bihurtzen dira. Haien emaitzak bizi eta gozatu egingo dituzu.

Diseinatu zure lehen urratsak eta ekiozu aldaketari gaur bertan. Hasiko gara?

_______________________________________

Izaskun Urkiola

Athlon Koop. Elkarteak, Kirolean Osasunez egitasmoa jarri du abian, Eusko Ikaskuntzaren Asmoz Fundazioarekin elkarlanean. Egitasmo honek Eusko Jaurlaritzaren Kultura eta Hizkuntza Politika Sailaren laguntza jaso du.

Proiektuaren helburua, eskola kiroleko euskarazko materialak eskaintzea da, batez ere haur zein nerabeekin lan egiten duten begiraleei zuzendurikoak.

Zehazki, proiektuan jorratzen diren gaiak, kirol prebentzioari eta osasunari lotutakoak dira eta lau modulutan banatzen dira.

Modulu horietan, elikadura ohitura egokien garrantzia, eskola kirola eta inklusioa eta osasun emozionala lantzen dira, oso gai garrantzitsuak eskola kirolean aritzen diren haur zein nerabeen garapen prozesuan.

Material guztiak doan eta online dituzue eskuragarri!

Hurrengo linkari esker edukiak eskuragarri izango dituzu: https://kiroleanosasunez.asmoz.org