Posteado a las 11:51 am por admin, el 19 diciembre, 2024
LKS Next buru dela, CodeSyntax, SS4C, Athlon, Krean eta Ondoan euskal enpresak eta Vicomtech zentro teknologikoa Adagio proiektuan ari dira lanean. Ekimen horren helburua da Adimen Artifizial Sortzailean eta hizkuntza sortzaileen ereduetan (LLM) oinarritutako testua automatikoki sortzeko sistema bat ikertu eta garatzea.
Adagiok industriaren erabilera espezifikoetara egokitu daitekeen testua automatikoki sortzea bilatuko du, hizkuntza-ereduak domeinu eta erabilera espezifikoetara egokituz. Zehazki, lau erabilera-kasu nagusi biltzen ditu, «guztiak partzuergoko enpresen beharretan oinarrituta», zehaztu dute. Lehenengoan, dauden zehaztapen teknikoetan eta aurretiazko dokumentazioan oinarritutako memoria eta eskaintza industrialak sortzea lantzen da. Bigarrenik, lehendik dagoen dokumentaziotik abiatuta eduki berriak sortzea. Eta hirugarrenak eta laugarrenak marketinaren arloa eta osasunarekin eta jarduera fisikoarekin lotutako ikastaroak hartzen dituzte.
Proiektu honek Europar Batasunaren (EGEF) HAZITEK programaren finantzaketa jaso du.
Posteado a las 11:48 am por admin, el 19 diciembre, 2024
Athlon Koop. E.ak, Arrasaten kokatutako enpresa, jarduera fisikoa eta osasuna sustatzea du helburu, eta honi era berritzaileen bidez erantzuteko ADINFIT proiektua garatzen ari da Vicomtech berrikuntza eta teknologia zentro adituarekin.
ADINFIT proiektuak, egoitzetan dauden pertsona nagusiei bideratutako proiektua da, bideo bidez jarduera fisikoaren sustapena eta jarraipena bilatzen duena.
Proiektu honek Hazitek enpresa-arloko I+G laguntzeko laguntza-programan parte hartzen du. Programa hori Eusko Jaurlaritzak eta Europar Batasunak finantzatzen dute, Eskualde Garapenerako 2021-2027 Europako Funtsaren (EGEF) bidez.
Posteado a las 2:51 pm por admin, el 22 noviembre, 2024
Fitness mundua uneoro eguneratzen dabilenaren jakitun gara Athlon Kudeaketan. Kiroldegitan lanean ditugun begiraleen gehiengo handiak goi mailako lanbide heziketako ikasketak ditu, baina gizarteak eskatzen dituen ikastaroetara moldatzeko etengabeko prestakuntza eskaini behar izaten diegu langileei.
Garai bateko aerobika gaur egungo zumbarekin konpara dezakegu; lehen spinning saioak emateko begiraleek CDak grabatzen zituen eta, gaur egun, programa zehatzak erabiltzen dira saioak emateko… Urte gutxitan saio motak eta saioak emateko moduak asko aldatu dira, urteetan eboluzionatzen joan dira, eta uneko joerak ezagutu behar ditugu begiraleak eguneratuta izateko eta ahalik eta erabiltzaile gehien gure instalazioetara gerturatzeko, azken helburua populazioa aktibo mantentzea baita.
Helburu zehatz bezain potolo hori buruan izanda osatu dugu Athlon Kudeaketako 2025. urteko formakuntza plana. 2024. urtean zehar unean uneko eta zerbitzuz zerbitzuko beharrak asetzeko formazio-saioak antolatzen joan garen arren, 2025. urterako formakuntza-plan osatuagoa egitea izan da erronka nagusia. Horretarako, urrian 222 langileri bidali genien beharrak eta interesak jasotzeko galdetegia, eta 93 erantzun jaso genituen (langileen %41,89k erantzun zuen).
Erantzun ohikoenak jaso eta aurrekontuak eskatu ondoren, osatu dugu proposamena, begiraleei ez ezik, harreragileei, mantenimenduko langileei, sorosleei, garbitzaileei, koordinatzaileei eta zuzendariei zuzendurikoa. Horrela, zenbait ikastaro langile orori eskaintzeko asmoa dugun bezala (adimen emozionala, lehen sorospenak edota denboraren kudeaketa), beste hainbat lanpostu zehatzetara bideratuko dira: dela sorosleentzako titulua eguneratzeko aukera, dela harreragileei bideraturiko “arazoen konponketa” ikastaroa.
Zuzendaritzatik langileei erakargarria izango zaien proposamena aurkeztu izana espero dugu eta, ondorioz, ikastaroetan parte hartzea esanguratsua izatea. Ikastaro bakoitzaren amaieran eta urte amaieran egindako balorazioek jarriko diote gure lanari kalifikazio-nota.
Posteado a las 11:07 am por admin, el 15 noviembre, 2024
Seme-alabekin kiroldegira joaten naizenean, familiako aldagelak behar ditugunean beteta egoten direla nabaritu dut. Bitxia da, izan ere, gehienetan ez dira familiak aldagela horiek erabiltzen dituztenak, baizik eta banakako pertsonak, aldagela komunak saihestu nahi dituztenak. Ulertzekoa da, azken finean: gorputza agerian geratzen den espazio horietan, konparazioak eta epaiak ia saihestezinak bihurtzen dira. Bai helduentzat eta bai gazteentzat, espazio horiek deserosoak eta, batzuetan, estresagarriak ere izan daitezke.
Irudia: freepik
Gorputz-hezkuntzako irakasle diren lankideek diotenez, eskoletan ere antzeko egoerei aurre egin behar izaten diete. Ikasle askok saihestu egiten dute dutxatzea, eta dutxatu direla irudikatzeko, era guztietako «trikimailuak» egiten dituzte, hala nola, besapeak bakarrik busti, ilea pixka bat buzti edo toalla iturrian busti… Espazio partekatu horietan egoteak antsietatea eta deserosotasuna eragiten die ikasle horiei. Bereziki nerabezaroan, non autoirudia eta autoestimua hain ahulak diren, pribatutasunik eza oztopo bihurtzen da, eta horrek ikasleen jarduera fisikoetan parte hartzeko prestasuna ere murriztu dezake.
Kirol-instalazioak arazo hori antzematen hasi dira, eta erantzun gisa, batzuek pribatutasun handiagoa ahalbidetzen duten egokitzapenak ezarri dituzte, hala nola kabina indibidualak edo dutxa pribatuak. Hala ere, hori ez da araua leku guztietan, eta gurasoentzat eta haur txikientzat diseinatutako familia-aldagelak gero eta gehiago erabiltzen dituzte espazio komunak saihestu nahi dituzten helduek eta nerabeek daude. Irisgarritasuna eta inklusioa ere jomugan daude, eta ekimenak daude aldagelak behar eta gaitasun desberdinetako pertsonentzat egokiak izan daitezen.
Irudia: freepik
Eskoletan, aldagelak eremu kritikoa dira, non hainbat arazo elkartzen diren. Ikasle batzuentzat, leku horiek arrisku-puntuak bihurtzen dira. LGTBIQ+ komunitateko kide diren ikasleak bereziki kalteberak dira, isekak, eraso fisikoak eta bazterkeria jasateko arriskua baitute espazio horietan. Gainera, aldagelen banaketa binario tradizionalak ez ditu kontuan hartzen ikasle transgeneroen edo ez-bitarren beharrak, eta horrek arriskuan jartzen ditu, beraien identitatearekin bat ez datozen espazioetan egoteak segurtasun-falta eta erasoen aurrean babesgabe sentitzea eragin baitezake. UNESCOren txosten baten arabera, LGTBIQ+ gazteen %45ek jazarpena jasan dute eskola-aldageletan eta komunetan, eta horrek osasun mentalari ere kalte egiten dio, antsietatea eta depresioa areagotuz. Egoera horiek ikusita, askok saihestu egiten dituzte jarduera horiek.
Arazo horiek prebenitzeko, bai ikastetxeetan bai kirol-instalazioetan, funtsezkoa da jazarpenari aurrea hartzeko protokoloak ezartzea eta erabiltzaile guztien pribatutasuna eta nortasuna errespetatuko duten aldagelak diseinatzea. Irakasleek, gainera, gorputz-irudi positiboa eta elkarrekiko errespetua sustatzen lagun dezakete ikasleen artean, besteak beste, espazio komunak erabili behar direnean pribatutasuna eta inklusioa lehenetsiz. Kabina pribatuak eta identitate desberdinak kontuan hartzen dituen diseinuak alde handia ekar dezake ikasleen eta erabiltzaileen erosotasun eta segurtasunean.
Errealitate horren aurrean, galdera batek hausnarketara gonbidatzen nau: benetan ari al gara guztion inklusioa, errespetua eta erosotasuna bermatuko duten espazioak diseinatzen, edo oraindik ere eredu tradizionalak inposatzen ari gara, eredu horietan sartzen direnei bakarrik laguntzen dieten arauak mantenduz?
2021 ean Athonek Coprecin eskaintzen zuen zerbitzuak paradigma aldaketa izan zuen; berritu a la hiloberatu. Zirt a la zart.
Aldaketak bi giltzarri nagusi izan zituen;
Batetik, gure esku hartzeak lan jardunean izango ziren (ordurarte partaidetzak lan-orduz kanpo eta langilegoaren borondatearen baitakoak ziren).
Bestetik, DAVID metodoa indarrean jarriko genuen (2 gailurekin).
Harerzkero, Coprecin darabilgun programak GOZAINDU izena du (bertako marketinekoek asmatutakoa); hitz jokoak, zaintzeari egiten dio erreferentzia (ZER) eta baita NOLAkotasunari ere (gozatuz).
Programa ezaugarritzearren, 3 ardatz nagusi dituela esango dugu:
Gaitz-muskuloeskeletikoetatik langilegoa babestekoa, batetik. Honetan DAVID metodoa da erabiltzen dugun tresna (gure kasuan 2 test + 12 “entrenamendu saio”+ Programa autonomoa diseinatu eta frogatu + 2). Guztira 16 bisita tutorizatu ordu erdikoak ( hortaz, kooperatibak 8 lan-ordu eskeintzen du langile bakoitzak bere babesa artatu dezan).
Osasunaren sustapena, bestetik. Atal honetan, parte hartzaile bakoitzarekin darabilen profil nutrizionala aztertzen dugu (mediterranear dietari dion atxikimendu maila) eta ariketa fisikoaren praktikarekin duen harremana ( IPAC galdetegia). Aldagai bi hauek Gorputz -osaketaren ( In Body) datuekin gurutzatzen dira eta dagozkion konklusioak partekatzen dira.
Langilegoaren autozaintza eta babesa sustatzea, azkenik. Hortara, behin programa tutorizatua amaituta, langileari era autonomoan eta lan-orduz kanpo bere auto-zaintzari eusteko baliabideak eskaintzen zaizkio ( programa autonomoa, distantzian tutorizatua).
Programa Coprecik darabilen prebentzio politikaren baitan bete- betean txertatzen da eta gure ekarpena/erronka nagusia politika horretan katebegi eraginkorra eta funtsezkoa izatea da (hau da, ezinbesteko izan gaitezen).
2021tik eta eguberria erdu orduko, 300 bat langilek programa gauzatua izango dute. Salbuespenak salbuespen, %95 eko parte-hartze onarpen maila dugu eta adierazten duten asebete maila altua da.
Aurten 100 langile pasako dira (izan bazkide, izan aldi bateko langile, figura guztiek dute parte hartzeko eskubidea); aurten arte, kopurua 80 koa izan ohi da. %80 a esku-behar zuzenekoa ( ekoizpenean dabilena) eta gainontzeko %20a, bulegoetakoa ( Copreciko prebentzio zerbitzuak horrela erabakita).
Oraintxe daukagun erronka nagusia programa autonomora langile gehiago lerratzea da ( % 15 eko proportzioa darabilgu).
Asmo horretan, enpresan programa ikusgarri egiteko akzio batzuk diseinatu ditugu, udazken honetan gauzatuko direnak.
Posteado a las 3:36 pm por admin, el 31 octubre, 2024
Beti ari gara osasunaz; gaixotasun edo/eta min eza izatetik haratago, ongizate fisiko, psikiko, mental eta sozial moduan definitu dezakegun hitz konplexu hartaz.
Horrela ulertuta, ezin genezake zalantzan jarri bizi ohituretan jarduera fisiko erregularrak, elikadura egokiak, sozializazioak eta emozioen lanketak, adibidez, osasunean eragiten dituzten onurak, baina hainbestetan lantzen diren gai edo alderdi hauetaz aparte, oraingoan, loaz eta honek osasunean duen garrantziaz arituko naiz.
Zergatik da loa hain garrantzitsua osasunerako?
Loa organismoaren atseden-egoera bat da. Lo gaudela prozesu garrantzitsuak ematen dira gure gorputzean, eta kalitatezko atsedena beharrezkoa da funtzioak berrezarri eta ehunak leheneratu edo birsortzeko; egunean zehar erabili diren gorputz atalek eta sistemek atseden hartzen dute eta gorputzak erreparazio sistema bat jartzen du martxan hurrengo goizean berriro energiarekin has dezagun eguna.
Loaldian jarduera fisiologikoa murriztua da (odol-presioa, arnasketa, bihotz-taupadak…) eta estimuluen aurreko erantzuna txikiagoa. Esna gaudenean ez bezala, hesteetan digestio prozesua eteten da eta egunerokoan behar ditugun hormonak eta substantziak ekoizten dira bertan. Kortisol-maila (estresa) jaitsi eta melatonina igotzen da (honek prozesu antioxidatzaileetan, hormonen erregulazioan eta erantzun immunologikoan parte hartzen du), eta immunitate sistema indartzeaz gain, nerbio sistema ere erreparazio egoeran sartzen da, egunean zehar jasotako informazio guztia prozesatu eta antolatuz, eta horrela ere gure gaitasun kognitiboa hobetuz.
Ez badugu behar beste eta behar bezala lo egiten, sistema biologiko desberdinak nahas daitezke, immunitate-sistema ahuldu daiteke gaixotzea erraztuz, energiaren erregulazioa ere gorabeheratu daiteke egunean zehar nekea aldean ekarriz, garunaren funtzioak ere moteldu daitezke arreta mantentzea zailduz, emozioei dagokionez, triste, gogogabe edo/eta apatiko sentitu gaitezke, eta alderdi psikosozialari ere eragin diezaioke, laneko harremanak eta harreman pertsonalak ukituz.
Zein izan daiteke lo gaizki egitearen arrazoia? Nola hobetu?
Gaur egun, biztanleriaren ehuneko handi baten lo kalitatea txarra da; egunerokotasunaren bizi-erritmoak, ordutegien desorekak eta bizi estilo sedentarioak eragiten ditu, batik bat, loaren desorekak. Ondorengo hauek izan daitezke arrazoi printzipalak:
Jarduera fisiko urria edo eza. Egunean zehar ez badugu elikagaietatik lortzen dugun energia gastatzen gorputza ez da nekatuta sentitzen lotara joateko ordua iristen denean.
Saiatu eguneroko errutinan gutxienez 30 minutuko jarduera fisiko saiotxoa sartzen.
Intentsitate altuko jarduera fisikoa egunaren azken orduetan. Kortisola estresaren aurrean erantzuten duen hormona da, aldi berean inflamazioa murrizten laguntzen duena. Erritmo biologikoa jarraituz hormona hau goizean altu egoten da (gorputza aktibo mantentzeko), eta atsaldeko 18retatik aurrera kostisol maila jaitsiz doa egun bukaerarako gorputza erlaxatuz. Atsaldeko 18:30etatik aurrerako orduetan intentsitate altuko jardueraren bat egiten badugu, gorputza aktibatu eta kortisol maila igoko da osteko erlaxazioa zailduz.
Intentsitate altuko jarduerak egiteko momenturik onenak goiza eta eguerdia dira; atsaldeko 18:30etatik aurrerako jarduerak lasaiagoak edo intentsitate baxukoak izatea komeni da, hormonen erritmo biologikoa errespetatu eta gauean kalitatezko atsedena izateko.
Estresa. Kortisolarekin jarraituz, estresatuta baldin bagaude (lanagatik, familiagatik, lagunengatik, betebehar edo gatazka batzuengatik, barne edo kanpo presioengatik…) kortisol maila altua izango da lotara joateko orduan ere, eta honek ez gaitu utziko atseden hartzen, gorputza eta sistema fisiologikoak %200era egongo direlako %20an egon beharrean.
Egoera edo gertaera estresante baten aurrean garrantzitsua da kudeatzen saiatzea, emozioak lantzea, eta lotara joateko ordua gerturatzen denean batez ere, arnasketa ariketa batzuk, luzaketak, meditazioa, mindfulness-a edo/eta yoga moduko erlaxazio teknikak praktikatzea, kortisol maila hori jaisteko.
Gaizki eta desorduetan jatea. Loaren aurretik, elikadura da gure energia-hornitze nagusia; bizirauteko beharrezko energia elikagaietatik lortzen dugu, beraz, gure dieta egunean zehar gure energia maila aldakorrari egokitu behar zitzaiokeen.
7-9h bitartean gosaldu energia oparioa bilduz, 12-14h bazkaldu atsalderako energia mantentzeko, eta 19-21h afaldu gauean indarrak berritu eta funtzioak berresartzeko (“desayuna como un rey, almuerza como un príncipe y cena como un mendigo”). Pertsona aktiboa bazara eta kirola egiten baduzu, hamarretakoa edo/eta merienda ere erantsi ditzakezu, betiere elikagai osasuntsuekin (fruta, yogurta, fruitu lehorrak). Gomendio orokorra da hau, betiere dieta bakoitzaren beharretara egokitu beharreko gauza bat da, eta zenbait kasutan aldizkako baraualdia ere onuragarria izan daiteke, beste kasu batzuetan ez bezala.
Gauean gorputzak ez du energia kantitate handirik behar eta behar baino gehiago jaten badugu loditzeko aukera dago energia hori gantz modura pilatuko delako, baina hau egunean zehar ere gerta daiteke, gosarian edo bazkalorduan behar baino kaloria gehiago irensten baditugu. Afaltzeko karbohidratoak gutxitzearen kontua ez da ez loditzeko, baizik eta digestioan eragiten dutelako; digestiorako pisutsuagoak diren elikagaiak (pasta, arroza, lekaleak, patatak, ogia, elikagai frijituak edo/eta koipe askokoak…) kantitate handi batean jaten baditugu afaltzeko edo justu ohera sartu aurretik afaltzen badugu orokorrean, lotara goazenean organoak digestioaz arduratuko dira eta hormonen eta entzimen ekoizpena eta ehunen lehenerazio prozesua atzeratu egingo dira edo ez dira behar bezala gauzatuko. Gainera, horrek sistema immunologikoa ahuldu dezake, esteek gauean ekoizten dituzten dopamina eta serotonina kantitateak murriztu daitezke, eta ondorioz, ezegonkortasun emozionala ager daiteke hurrengo egunean.
Time to relax in comfortable bed
Lotarako orduak ez errespetatzea eta pantailen gehiegizko erabilera. Argi-iluntasun zikloa daukagun biorritmorik garrantzitsuenetako bat da, gure barne erlojua; ziklo honek markatzen du esna-aldiaren (jarduera tartearen) eta loaldiaren (atsedenaren) iraupena, eta garrantzitsua da errespetatzea, organo eta sistema biologiko desberdinek ondo funtzionatu dezaten. Erretinak argia antzematen duenean garunak esnatzeko seinalea jasotzen du eta egunerokoari aurre egiteko beharrezkoak diren sistemak martxan jartzen dira. Aldiz, iluntzen hasten denean, garunak badaki lotara joateko ordua iristen ari dela, orduan liberatzen baita melatonina (hasieran aipatu bezala, prozesu antioxidatzaileetaz, hormonen erregulazioaz eta erantzun immunologikoaz arduratzen dena). Eguneko azken orduetan pantailak kontsumitzen badira (telebista, ordenagailua, telefono mugikorra, etab.) melatoninaren ekoizpena eta liberazioa murriztu egiten da, honek gauzatzen dituen funtzioak aldatuz. Berdina gertatuko da gaueko 12etan taberna edo diskoteka batean sartzen bagara edo goizeko ordubiak arte lan bat egiten edo ikasten gelditzen bagara lanparapean.
Osasuntsuena 22etan edo asko jota 23tan oheratzea izango litzateke, jada digestioa eginda, eta aurretik telebista ikusi beharrean irakurtzen gelditzea (irakurtzeko lanpararekin edo ebook-ean argi horrek ez duelako eragiten) edo/eta meditazio pixkat edo luzaketak egitea.
Loaldia 7-9 ordu bitartekoa izan behar da kalitatezkoa izateko (umeetan apur bat luzeagoa izaten da eta zahartzean motzagoa izan daiteke), eta horren arabera, saiatu beti ordu berean oheratzen eta ohetik altsatzen erritmo fisiologikoak errespetatu eta egonkor mantentzeko.
Tabakoa, alkohola edo/eta edari estimulatzaileak kontsumitzea. Substantzia hauek funtzio fisiologikoak eraldatzen dituzte, eta batez ere gaua iristean kontsumitzen badira atsedena eta erreparazioa ez dira behar bezala emango. Medikamentuak eta farmakoak ere aipatzekoak dira puntu honetan, nahiz eta kasu batzuetan osasunerako beharrezkoak edo onuragarriak izan.
Orain, kalitatezko loaren benetako garrantzia ulertzen duzula, aztertu zure egunerokoan egiten duzuna eta zer egin dezakezun hobetzeko. Aldaketa txikiak egin eta saiatu egunerokotasunean ohitura osasuntsuagoak txertatzen!
Posteado a las 3:48 pm por admin, el 28 octubre, 2024
En este mes de octubre en el que se celebra el mes mundial de la ergonomía, desde Athlon queremos hacer un guiño a todas aquellas organizaciones que apuestan por la salud y el bienestar de sus personas.
Como empresa especializada en ofrecer soluciones ergonómicas y de empresa saludable, entendemos que el bienestar de las personas no solo mejora la calidad de vida dentro del entorno laboral, sino que también impacta directamente en la productividad, la eficiencia y los resultados financieros de la empresa. La inversión en ergonomía va más allá de mejorar el confort físico; implica crear espacios de trabajo que promuevan la salud, la motivación y el rendimiento a largo plazo.
La ergonomía trata de comprender cómo interactúan las personas con los objetos y con su entorno, y de aplicar principios científicos para optimizar la salud y el bienestar. En los lugares de trabajo, la ergonomía es una herramienta clave para prevenir el desarrollo de trastornos musculoesqueléticos.
Desde hace más de 3 décadas, Athlon S. Coop. dedica numerosos profesionales, ergónomos y fisioterapeutas, en acompañar a las empresas en la implementación de Programas de Salud y de Ergonomía Activa con el fin de gestionar los peligros derivados de las lesiones musculoesqueléticas, prevenir lesiones y mejorar la salud de su plantilla. La metodología incluye la Ergonomía Participativa (estrategia para la prevención de trastornos musculoesqueléticos producidos por la carga física en el lugar de trabajo, mediante el diseño y la implementación de cambios y mejoras en los puestos de trabajo, a través de procedimientos participativos), así como pausas activas, las cuales son breves descansos durante la jornada laboral que sirven para disminuir la fatiga y prevenir el estrés laboral, evitando los efectos del sedentarismo que acompaña la actividad diaria en las empresas. Se trata de ejercitar el cuerpo y la mente para prevenir ciertas enfermedades, como los trastornos musculoesqueléticos causados por posturas prolongadas o movimientos repetitivos.
Nuestros servicios mejoran la productividad, reducen el absentismo y ayudan a hacer frente al envejecimiento de la plantilla, siempre poniendo el foco en las personas y el desarrollo de estilos de vida saludables.
Trabajamos para conseguir que las personas tengan la capacidad de interiorizar hábitos saludables y que dispongan de herramientas y conocimientos para prevenir riesgos, disfrutando así de un mejor estado de salud. Con nuestra metodología ayudamos a generar una nueva cultura preventiva y proactiva, con la persona como eje central de todas nuestras intervenciones.
Además, incorporamos la tecnología más avanzada David Health para proporcionar un tratamiento individualizado, que proporcione resultados medidos y obtenga datos para la toma de decisiones.
MiniCLINICS es EL FUTURO DE LA SALUD EN LA EMPRESA.
Posteado a las 9:14 am por admin, el 25 octubre, 2024
Jarduera fisikoa eta kirola funtsezko tresnak dira Mondragon Unibertsitateko nazioarteko ikasleen integrazio sozial eta kulturala errazteko, ongizatea, inklusioa eta nortasun sentimendua sustatuz.
Ikasle batek izan ditzaken unibertsitateko bizipenak, esperientzia akademikoa baino askoz haratago doaz. Egia da, unibertsitatearen helburu nagusia ikasleei etorkizunean izango dituzten beharrei erantzuteko baliabideak eskaintzea dela, baina, ezin uka dezakegu, jende eta leku berriak ezagutzeko eta norbere burua garatzeko espazio ezinhobea ere badela. Gainera, egungo unibertsitateko sisteman oso errotuta daude gradu zein masterreko ikasleek beste herrialde batean egonaldiak egiteko programa espezifikoak eta horietan, batik bat, alor akademikoa bigarren plano batean geratzen dela oso nabaria da. Ez dago esan beharrik, mundu osoko lurralde ezberdinetatik datozen ikasleentzat bereziki, kultura, bizi ohitura eta testuinguru berrietara egokitzea erronka handia dela eta horrek guztiak dakarren konplexutasunaren ondorioz, jarduera fisiko edota kirola ezinbesteko tresna da.
Jarduera fisikoak, jatorri ezberdineko jendea beraien artean ezagutzeko aukera paregabea eskaintzen digu, bertako ikasleekin harremanak sortzea barne. Topaketa horiek, jarduera fisikoa egiteak dituen onura fisiko eta emozionalez baliatzeaz gain, ikasleei zenbait hizkuntza, ohitura eta balio ezagutzeko parada ematen dizkie.
Kirolak dituen eragin positibo horiek aintzat hartuta, Mondragon Unibertsitateko Kirol Zerbitzutik nazioarteko ikasleentzat kirol jardunaldiak antolatu ditugu, harrera plana eta beraien arteko lehen sozializazio prozesuak errazteko. Harrera planaren baitan, beraientzako propio, Basque Culture kirol praktika eta Welcoming kirol ekintzak antolatu ditugu lehen hilabetean. Euskal Herriko joko-jolas tradizionalak ikasi eta beraien artean harremanak sendotzeko ekintza oso baliagarriak izan dira. Gainera, jarduera horietatik aparte, unibertsitate bertako ikasleekin ere hartu-emanak izan asmoz, hainbat mendi-irteera eta kirol txapelketa ere eraman ditugu aurrera.
Esan gabe doa, beraz, kirola eta jarduera fisikoak zeregin integrala dutela Mondragon Unibertsitateko nazioarteko ikasleen bizitzan. Osasun fisiko eta emozionalean dituzten onurez gain, aipaturiko jarduerak funtsezkoak dira gizarte loturak egin eta integrazio kulturala garatzeko. Unibertsitateak programa horien aldeko apustua egitean, unibertsitate esperientziak maila akademikoa ez ezik, hazkunde pertsonal eta soziala ere barne hartzen dituela bistakoa da.
Besterik gabe, eta bukatzeko, hezkuntza ibilbideko nazioartekotze prozesuetan argi eta garbi ikusi da, beste behin ere, ikasleen ongizate eta beharrei erantzuteko, jarduera fisikoa eta kirola nahitaezkoak direla eta Kirol Zerbitzutik makina bat ekintza ditugu martxan adierazitako helburuak erdiesteko.
Posteado a las 12:21 pm por admin, el 16 octubre, 2024
Urriaren 16an bizkarrezurraren munduko eguna ospatzen da, eta aukera aproposa dirudi embrioi bat garenetik gurekin dagoen egitura ezinbesteko eta askorentzat ezezaguna den hau pixkat sakonago ezagutzeko.
Bizkarrezurra 33 bertebra edo ornoz eta disko interbertebralez osaturiko estruktura da. Ornoak hezurrak dira, zurrunak, eta diskoak urez eta kartilagoz osaturiko estruktura malguak dira. Disko hauek inpaktuak eta mugimenduaren karga xurgatzen dute, eta bizkarrezurreko mugikortasuna bermatzen dute egunerokotasuneko mugimenduak egiterakoan.
argazkia: freepik
Ornoen barruan zulo bat dago, eta bata bestearen gainean jartzean kanal bat sortzen da, kanal medularra, eta bertatik bizkar muina edo gazteleraz “médula espinal” deritzona igarotzen da, eta bertebren arteko espazioetatik bi nerbio sustrai edo “raiz” ateratzen dira, bakoitza gorputzaren alde batera. Azken hauek gorputz osora informazio nerbiosoa garraiatzeko funtzioa dute.
argazkia: pixabay
Bizkarrezurraren funtzio nagusiak gorputza eustea, mugimendua baimentzea eta bizkar muina babestea dira. Hori litzateke bizkarrezurraren definizio anatomiko edo estandarra. Baina egia da askok harreman konplikatua dugula berarekin.
Sarritan estruktura konplexu hau patologia eta minen jatorria da, eta ez da harritzekoa, karga handia jasaten baitu. Honek zer esan nahi du, bizkarrezurra estruktura ahul eta hauskorra dela? Ba ez, justu kontrakoa da.
Bizkarrezurra oso estruktura sendoa, gogorra eta malgua da. Ez bakarrik lehen aipatutako disko eta hezurrengatik, baizik eta inguruan ligamentu, tendoi eta gihar ugari dituelako.
Egunerokotasuneko mugimendu guztiak, makurtzea, korrika, salto, pisua jaso… egiteko gaitasuna du soberan bizkarrezur osasuntsu batek.
Arazoa inguruko gihar edo estruktura horiek lana ondo egiten ez dutenean agertzen da, indartsu ez baldin badaude, lesio edo mina izateko arrisku handiagoa dago.
Giharren ahultasun hau sedentarismoarekin zuzenean lotuta dago, gorputzeko hezur, gihar eta tendoi guztien osasuna bermatzeko mugimendua, ariketa fisikoa eta indar entrenamentua ezinbestekoak dira eta. Ez badugu ariketa fisiko egokia egiten, eta gainera, gure eguneroko jarduera edota lanean postura mantendu eta mugimendu errepikakorrak baditugu, bizkarrezurra asko estresatzen dugu eta posible da karga horiei erantzuteko gai ez izatea. Orduan agertuko da mina edo lesioa.
Beraz, jaio aurretik eta bizitza osoan zehar gurekin egongo den lagun hau ondo zaindu eta mimatu behar dugu, eta hortarako mugiarazi, entrenatu eta aktibo mantendu behar dugu, urte askotan zehar arazo gabe gure bizimoduaren martxa jarraitu dezan, gure gorputza tente eutsiz.
athlonblog.com 