Azken asteotan, lantzen ari garen hainbat proiektu direla medio, jardunaldi (MOVE congress eta Adinberri Sylver Forum) eta elkarrizketa ezberdinetan parte hartzeko aukera izan dut. Jarraian azalduko ditut buruan nituen, baina gogorarazi dizkidaten ideia batzuk.

Egun hauetan argi geratu da kirola eta jarduera fisikoak funtzezko funtzioak betetzen dituela, osasun fisikoan, mentalean, zein sozialean.

Kirol-jarduerak erregulartasunez egiteak giharrak garatzen laguntzen du, erresistentzia kardiobaskularra hobetzen du eta hezur-sistema indartzen du. Gainera, kirola gaixotasun kronikoen prebentzioen aliatua da, hala nola diabetesa eta hipertentsioa, ongizate orokorrari berebiziko bultzada emanez.

Halere, onurak ez dira gorputzera mugatzen. Ukaezina da ariketa fisikoaren eta osasun mentalaren arteko lotura. Kirolak antidoto natural gisa jokatzen du estresaren, antsietatearen eta depresioaren aurka, eta endorfinak askatzen ditu, aldartea hobetzen dutenak eta oreka emozionala sustatzen dutenak.

Kirolak komunitateak batzeko eta gizarte-kohesioa sustatzeko boterea du. Bai tokiko taldeetan parte hartuz, bai kirol ekitaldi komunitarioetan parte hartuz, edo talde nazionalei lagunduz, kirolak pertenentzia- eta batasun-zentzua sortzen du.

Gainera, kirol-lehia osasuntsuak elkarrekiko errespetua eta tolerantzia sustatzen ditu, eta zubiak sortzen ditu hainbat funtsetako pertsonen artean.

Baina orain arte aipatu ditugun ondorio positibo hauek lortzeko, planteatzen ditugun programak edo jarduerak era egokian planteatu behar dira. Egoera fisikoa hobetzeko, programatzen diren kargak eta atsedenak pertsona bakoitzari egokitu behar dira, aldaketak sortzeko estimulo minimoa izateko, baina neke gehiegi eta lesionatzeko arriskua ekiditzeko. Jarduera fisikoa derrigorrez egin behar den zerbait bezala hartzen badugu, estresa kendu beharrean, estres gehiago sortuko digu, dituen onurak alde batera utziz eta gure ekintzetan parte hartze prozesua zaila bada, kohesioa lortu beharrean bazterkeria lortuko dugu.

Laburbilduz, jarduera fisikoak eta kirolak onurak ditu, betiere era egokian antolatuta badago. Hau da, hain zuzen ere, arlo honetan lan egiten dugun profesionalen zeregin garrantzitsuenetako bat.

Bukatzeko, azken bi aste hauetan entzundako ideiarekin bukatu nahiko nuke. Ekintza hauek erakargarri izateko, ezin ditugu ahaztu “ondo pasatzea”ren ideia eta jarduera hori “atsegina” izan behar dela, azken finean parte hartzaileek hori bilatzen dute eta.

Hemen ikusi dezakezue egun hauetan inspiratu nauen adibide bat:

_____________________________________

Gorka Martinez de Lahidalga Aguirre