Jadanik pare bat martxa sartuta ditugun kurtso berri honetan, Athlon iñoiz baino orientazio zerbitzu gehiagorekin dabil martxan. Hain zuzen ere, 9 herritan gaude jada: Aretxabaleta, Soraluze, Eskoriatza, Ermua, Azkoitia, Legutio, Oñati, Durango eta sartu berri den Eibar.

Ikusten denez, gero eta indar handiagoa hartzen ari da Athlon zerbitzu hauetan, baina hauexek ere gero eta gehiago daudela da arrazoi horietako bat. Erakunde publikoek osasunaren sustapenaren alde egitea beti da albiste ona.

Ni neu Durangoko Jarduera Fisikoaren Orientazio Zerbitzuan (Mobidurango) nago urtarriletik, eta urritik aurrera Jokinekin batera, hortaz, bertan Athlonek egindako apustu berritzailearen inguruan hitz egitera nator gaurko honetan.

Hasteko, zerbitzuaren ideia orokor bat egiteko, otsailean erabiltzaileak kontaktatzen hasi ginenetik urtea bukatu arte 170 pertsona inguru pasako dira zerbitzutik, jatorri ezberdinetatik iritsiak: Osakidetzako medikueak, Osakidetzako fisioak, Nagusien Etxea, elkarte ezberdinak, zerbitzuko kartela ikusita norbere kontura… 

Gero, bakoitzaren ezaugarrien arabera, orientazio indibiduala jasotzen dute: plan pertsonalizatuak, kiroldegiko jarduerak, beste kirol zentruetako jarduerak, dantza eskolak, zerbitzuko KOI saioak etab. Guztiek, hasierako orientazio horren ostean, gutxienez 6 hilabeteko jarraipen bat izaten dute.

Baina gaurko puntu garrantzitsura joz, orientazio zerbitzu hauetan orain arte aurkitzen ez dugun bereizgarri bat sartu du Athlonek Mobidurangon: DAVID HEALTH gailuak. Proiektu berri baten hasiera.

Kliniketan izaten ditugun gailu hauetako 3 dauzkagu bertan. Lanean hasteko, 28 pertsonako talde bat eratu dugu, guk geuk aukeratuak. Guzti hauek, hasierako test bat egin zuten urri hasieran, bakoitzaren indarra eta mobilitatea aztertu zelarik. Ostean, 16 saio praktiko dauzkate DAVID HEALTH gailuetan, test horietako emaitzen arabera kasu bakoitzari indibidualizatuak eta ariketa gehigarriekin osatuak. Astean bitarn etortzen dira 30 minutu inguruko saioak burutzera. Bukarean, hasieran egindako test berdina burutuko da, emaitzak alderatzeko eta hobekuntzak egon diren eta hauek zenbaterainokoak diren jakiteko.

Behin prozesu hau bukatuta, erabiltzaileak gailuekin kontaktua ez galtzea da helburua, baina zehazteko dago hori nola egingo den.

Programa honen bitartez erabiltzaileek ariketa fisikoa burutu eta gorputza zaintzeak zein nolako onurak ekarri dizkigukeen sentiarazi nahi diegu, erraminta berritzaileez baliatuz.

Garrantzitsua da puntu honetan, fisioen lana eta jarduera fisikoan graduatuena bereiztea, ez gaude fisioen lan berdina egiteko. Batzuetan zaila izan daiteke bereiztea, erabiltzailearen deribazioaren jatorriaren arabera batez ere. Oreka hori bilatu beharra dago.

Egia esan, oihartzun nabarmena izaten ari dira David Health gailuak herrian, interes handia piztu dute eta hauekin  beste proiekturen bat egiteko proposamenak sortzen hasi dira. Baina guzti honek bere balorazioa izango du urte bukaeran, seguru gauzak hobeto egin ahalko ditugula eta.

Erromatar inperioak bide asko eraiki zituen, toki ezberdinak konektatuz. Athlon ere, Mondragoitik abiatuz bere bide sarea eraikitzen dabil, zapaldu gabeko tokiak bilatuz eta hauek daudenekin konektatuz. Harriz harri, pausoz pauso.

_____________________________

Ibon Bilbao Arrien